Թվային իրավունքների կառավարում
Բովանդակության սեփականատերերը կարող են թվային իրավունքների կառավարման (DRM) զանազան
տեխնոլոգիաներ օգտագործել՝ իրենց մտավոր սեփականությունը, ներառյալ հեղինակային իրավունքները
պաշտպանելու համար: Այս սարքը DRM ծրագրերի տարբեր տեսակներ է օգտագործում՝ DRM-ի միջոցով
պաշտպանված նյութերից օգտվելու համար: Այս սարքով կարող եք մուտք ունենալ դեպի WMDRM 10-
ով, OMA DRM 1.0-ով, OMA DRM 1.0 փոխանցման արգելքով և OMA DRM 2.0-ով պաշտպանված
բովանդակություն: Եթե որոշակի DRM ծրագիր բովանդակությունը չի պաշտպանում, բովանդակության
սեփականատերերը կարող են պահանջել, որպեսզի այդ DRM ծրագրով նոր DRM պաշտպանությամբ
բովանդակությունից օգտվելու հնարավորությունը դադարեցվի: Դադարեցումը կարող է նաև խոչընդոտել
Ձեր սարքում արդեն իսկ առկա DRM պաշտպանությամբ այս կամ այն բովանդակության օգտագործման
ժամկետների երկարաձգմանը: Նմանատիպ DRM ծրագրի դադարեցումը չի ազդում DRM այլ
տեսակներով պաշտպանված կամ DRM պաշտպանություն չունեցող բովանդակության օգտագործման վրա:
Թվային իրավունքների կառավարման (DRM) միջոցով պաշտպանված բովանդակության հետ միասին
տրվում է համապատասխան ակտիվացման բանալի, որը սահմանում է բովանդակությունից օգտվելու Ձեր
իրավունքները:
8
Ընդհանուր տեղեկություններ
Եթե ձեր սարքի վրա OMA DRM-ով պաշտպանված բովանդակություն կա, ակտիվացման բանալիների և
բովանդակության պահեստային օրինակ ստեղծելու համար օգտագործեք Nokia PC Suite-ի
համապատասխան ֆունկցիոնալ հնարավորությունը:
Եթե Ձեր սարքի վրա WMDRM-ով պաշտպանված բովանդակություն կա, ակտիվացման բանալիներն ու
բովանդակությունը կկորչեն սարքի հիշողությունը ֆորմատավորելու դեպքում: Հնարավոր է նաև, որ
սարքի վրա գտնվող ֆայլերի վնասման հետևանքով կորցնեք ակտիվացման բանալիներն ու
բովանդակությունը: Ակտիվացման բանալիների կամ բովանդակության կորուստը կարող է
սահմանափակել Ձեր սարքի վրա նույն բովանդակությունից նորից օգտվելու հնարավորությունը:
Լրացուցիչ տեղեկությունների համար դիմեք ծառայություն մատուցողին: